By Amanullah Nasrat - May 02, 2020
ډېره خوږه د پښتنو ژبه ده
دا د تاريخ د مېړنو ژبه ده
دا يوقانون دی يودستور د ژوندون
د احمدشاه او د نازو ژبه ده
زه په رښتيا ورسره مينه لرم
ملګرو دا مې د زانګو ژه ده
ما پرې بابا ما پرې دادا زده کړي
د خوږې مور د الله هو ژه ده
دا د غوريانو د لوديانو د کور
د هوتکيانو بېټنو ژبه ده
دا د ساپو او د مومندو د چم
دا د خليلو داودزو ژبه ده
د ننګرهار د کندهار او زابل
د شمله ورو احمدزو ژبه ده
د ملکنډ د باجوړ او کوهاټ
د هشنغر د تاترو ژبه ده
دا د منګلو د ځاځيو د قام
د شينواريو اپريدو ژبه ده
په لر او بر کې لوی واړه ېې وايي
د پښتونخوا د پرګنو ژبه ده
زه درناوی د هرې ژبې کوم
خو ماته ګرانه مې پښتو ژبه ده
دا رقيبان ېې چې زغملی نه شي
دا ددې تورو تورو غرو ژبه ده
دا د رحمان دا د حميد د غزل
د ستر خوشال د حماسو ژبه ده
دا د خادم دا د رښتين او الفت
د بېنوا د سردرو ژبه ده
ده د رشاد له محبت نه ډکه
د حبيبي د کتابو ژبه ده
حمزه د خپلو وينو سره ورکړي
د مست غني د فلسفو ژبه ده
ما ېې قسم د خدمتونو کړی
دا د نصرت د ترانو ژبه ده