د ادم عليه السلام د خوب تعبير

By Khayaam Yousafzai - Apr 19, 2020

 

د ادم عليه السلام د خوب منظوم تعبيرونه

 

بې  خريطه  نړۍ  څۀ  وي ؟  اِنْهَدَم  وي

آدميّت  چې  پۀ  انسان  کښې  وي  آدم  وي

 

دَ  آدم  ليدۀ  پۀ  خوب  کښې  ولايت  دے

استجاب  دے  دَ  توبـې ،  يا هدايت  دے

 

يو  تعبير  ئې  دے  دَ  لومو  دَ  دامونو

بل  تعبير  ئې  دَ  دښمن  دَ  فرېبونو

 

چرې  رنګ  کۀ  دَ  آدم  دَ  مخ  تَغِير  شي

پۀ  حالاتو  کښې  بدلون  به  ئې  تفسير  شي

 

دَ    آدم   سره   کۀ   شي   عامې  خبرې

نو   دا  دي   دَ   علم   و   فضل   ملغلرې

 

ستا پۀ خوب کښې ملګـرتيا کۀ  دَ  آدم  وي

بلندي  ئې  پۀ  تعبير  کښې   بيا  رقم  وي

 

ځيګر خون هم پۀ فرقت کښې دَ اِحزان شته

پۀ ورغوي کښې خوبونه دَ نسيان شته

 

خيام يوسفزے

 

 

Print Friendly and PDF

Author Name: Khayaam Yousafzai

Total Articles : 14

Total Hits: 199